Ar ran ein Partneriaeth Prosiect, mae’n bleser gennym eich gwahodd i fynychu lansiad ar y cyd Prosiect Bwyd Llanilltud ac Age Connects yng Nghanolfan Gymunedol CF61 a Thŷ Illtud, Heol yr Orsaf, Llanilltud Fawr. Cynhelir y digwyddiad ddydd Iau 20 Hydref 2022 o 1pm tan 3pm. Bydd y digwyddiad yn cael ei gynnal gan Age Connects a phartneriaid Prosiect Bwyd Llanilltud, gan gynnwys Bwyd y Fro, Cyngor Bro Morgannwg, Gwasanaethau Gwirfoddol Morgannwg, Cyngor Tref Llanilltud Fawr, FareShare, Cymdeithas Tai Newydd, a mwy.  Mae rhestr lawn o bartneriaid i’w gweld ar dudalen we prosiect. Dechreuodd Prosiect Bwyd Llanilltud ym mis Hydref 2020, pan ddaeth partneriaid allweddol at ei gilydd i archwilio beth yw’r rhwystrau i gael mynediad ar fwyd da yn Llanilltud Fawr. Trwy gynnal sgyrsiau gydag aelodau ac arbenigwyr lleol yn y gymuned, mae nawr gan y grŵp gwell dealltwriaeth o’r hyn y gellid ei wneud i wella hyn, ac wedi datblygu cyfres o gamau allweddol, gan gynnwys:
  • Cefnogi’r FoodShare presennol yn CF61 i newid i fodel pantri lle gall pobl dalu tanysgrifiad a chael mynediad at fwyd fforddiadwy.
  • Sefydlu man gollwng FareShare newydd yn Llanilltud CF61 i wasanaethu ardal orllewinol y Fro.
  • Sefydlu hwb sy’n rhoi cyngor ac yn cyfeirio at gefnogaeth ehangach ynghylch cyflogaeth, budd-daliadau a hawliau, iechyd meddwl a thai.
  • Treialu gwasanaeth pantri bwyd symudol.
  • Sefydlu ymgyrch gyfathrebu i godi ymwybyddiaeth ac ysgogi ysbryd cymunedol.
Diolch i arian gan y Loteri Genedlaethol, rydym nawr yn dechrau rhoi’r camau hyn ar waith yn ystod y 5 mlynedd nesaf. I ddathlu hyn, ac i hyrwyddo lleoliad newydd Age Connects, rydym yn gwahodd rhanddeiliaid allweddol o bob rhan o’r Fro a’r gymuned leol i ddod at ei gilydd i weld pa gefnogaeth sydd ar gael i’r rhai mewn angen; i lunio camau gweithredu ar gyfer y dyfodol ac i gysylltu dros baned am ddim. Bydd y digwyddiad hwn yn cyd-fynd â’r FoodShare wythnosol a’r ail Hwb ‘Mwy na Bwyd’ misol yng Nghanolfan Gymunedol CF61. Bydd lluniaeth ysgafn yn Nhŷ Illtud am 2.30pm. Ar ran Age Connects a Phartneriaeth Prosiect Bwyd Llanilltud, rydym yn edrych ymlaen at eich gweld chi yno ar 20 Hydref.